मंगल आरती

मंगलमय महालिंगोद्भव गुरु , शिवांग पंचाचार्यांना ॥ 

लिंगविभूषित , भंगभयादी , मंगल आरती , करु त्यांना ॥धृ॥

 जन्ममरण भय , हरण करुनि , पावन करिशी भक्तांना ॥ 

तन मन अर्पण , करितो भावे , सिध्द रेणुकाचार्यांना ॥1॥ 

थोर घोर भव , दुर कराया , सुरवर भाकिती तव करुणा ॥ 

वीरशैव मत , वारिधिशशिधर , सार दारुकाचार्यांना ॥2॥ 

लोकदयाळा सर्वव्यापका , अससी बोधक सकलांना ॥ 

शोकनाशका , भाकितो करुणा , एकोरामाराध्यांना ॥3॥ 

चंडमतासी खंडन करुनि , बोधिशी ब्रम्हा खंडांना ॥ 

पिंडीब्रम्हांडी , गुरु व्यापका , नमितो पंडिताराध्यांना ॥4॥

 विश्वेश्वर , लिंगोद्भव होशी , विश्वपालना दयाघना ॥

 ईश्वरभक्तीसी , शाश्वत करी त्या , स्मरितो विश्वाराध्यांना ॥5॥ 

अज्ञ बांधवा , सुबोध कराया , नमितो पंचाचार्यांना ॥

 वीरगोत्रोद्भव , सांब विनवितो , कृपा करावी या दीना ॥6॥